Gönguleiðir

Segja má að til séu endalausar gönguleiðir í Önundarfirði og yfir fjallaskörð til annarra fjarða. Hér er að finna gönguleiðir sem við getum mælt með, þessar leiðir höfum við farið ásamt góðu fólki. Við getum leiðbeint okkar gestum um þær gönguleiðir sem við mælum með og sótt göngufólk þegar komið er til byggða í öðrum fjörðum.

Einnig viljum við benda á heimasíðuna Vestfirðir.is og heimasíðuna hjá Vesturferðum , þar sem fleiri gönguleiðir á vestfjörðum eru tíundaðar.

Smellið á kortin eða myndirnar til að stækka

1 - Gengið á Mosvallahorn um Kálfabana Göngutími: 5-6klst, Legnd, Hækkun: 700m Gengið er beint upp frá Kirkjubólsbænum þar til komið er á gamlan gönguslóða sem liggur upp í Kálfabana.Þegar komið er upp í Kálfabanann er stefnan sett á Mosvallahornið, gengið er upp skriðurnar og er svo komið upp á Mosvallahornið. Við blasir svo Önundarfjörðurinn . Mikilvægt er að ganga sömuleið til baka niður í Kálfabanann.



2 - Gengið upp í Kálfabanann Göngutími: 2-3klst, Lengd , Hækkun: .400m Gengið er beint upp frá Kirkjubólsbænum þar til er komið á gamla gönguslóða sem liggur upp í Kálfabanann.



4 - Álftafjarðarheiði Göngutími: 5 - 6 klst, Lengd: 15 km Hækkun: 200m Frá Seljalandi eru stikur sem vísa leiðina upp í skarðið. Eins eru nokkrar vörður þegar komið er upp á hjallann og yfir skarðið Það tekur við stór snjóskafl sem stendur allt árið. Þaðan eru aftur stikur sem liggja niður á veg. Einnig er hægt að fylgja lækjum sem safnast í ánna og elta hana niður eftir.


3 - Önundarfjörður til Ísafjarða, gengið um Korpudal upp Þverdal yfir til Engidals Göngutími: 6-8klst, Lengd: ?? km, Hækkun: 780m Hér er video frá gönguleiðinni Þetta er forn leið sem innfjarðar bændur nýttu til að reka fé til slátrunar á Ísafirðir. Gengið er inn Korpudal og inn fyrir Þverá, henni er svo fylgt upp í Þverdalinn. Gengið er upp úr Þverdalnum að austan verðu og tekur þar við vörðuð leið niður Engidalsfjöllin. Gott er að ganaga að Nónhornsvatni sem er uppistöðulón fyrir virkjun Orkubús Vestfjarða og fylgja vatnslögn virkjunarinnar niður í Engidalinn að stövarhúsi virkjunarinnar.



5 - Hólsdalur Göngutími: 3-4 klst, Lengd: 15 km, Hækkun:200m Fyrir sunnan bæinn Hól í firði eru fallegir dalir sem gaman er að skoða. Gengið er upp frá bænum og upp með Hólsánni.



6 - Hestur Gönguími: 5-7 klst ,Lengd: 14 km, Hækkun: 700 m Inn fyrir botni Önundarfjarðar er gríðalega fallegt og gaman að staldra við um stund. Þar er skemmtileg gönguleið upp á fjallið Hest. Best er að hefja gönguna frá veginum undir Hestinum og ganga inn dalinn við rætur fjallsins. Auðvitað ræður göngufólkið hversu langt það fer, en fótfimir linna ekki göngunni fyrr en komið er upp á fjallið í 700 metra hæð